Maqtaaral aýdanyndaǵy oryn alǵan tótenshe jaǵdaiǵa bailanysty Túrkistan oblysyndaǵy barlyq qajetti tehnikalar apat bolǵan aýdanǵa jumyldyrylýda. Oblystyq jolaýshylar kóligi jáne avtomobil joldary basqarmasynyń uiymdastyrýymen 30 avtobýspen turǵyndar qaýipsiz aimaqtarǵa tasymaldanýda, dep habarlaidy "Ult aqparat".
Atap aitqanda, tótenshe jaǵdai qalyptasqan aimaqqa Maqtaaral aýdanynan – 5, Jetisai aýdanynan – 5, Saryaǵash aýdanynan – 7, Keles aýdanynan – 3, Shardara aýdanynan – 10 avtobýs jetken. Qazirgi ýaqytta, Maqtaral aýdanynyń ortalyǵy Myrzakent eldi mekeninde 13 avtobýs daiyn tur. Qajettilik týyndaǵan jaǵdaida qosymsha avtobýstar jumyldyrylatyn bolady.
Sonymen qatar, aýdanǵa jol salasy boiynsha 65 arnaiy tehnika jetkizilgen. Máselen, 28 «hova» júk kóligimen inertti (qum, shaǵaltas) materialdar tasymaldanyp jatyr. Budan ózge sý basý qaýpi bar aimaqtarǵa 35 adam jumyldyrylyp, bógetter jasaýǵa qolǵabys etken.
Óz kezeginde «Qazavtojol» JShS-i tótenshe jaǵdaiǵa 8 júk kóligin, 2 traktor, 1 avtogreider, 1 júk artýshy kóligi men 10 jumysshyny jibergen.
Mekeme tarapynan 550 tekshe metr topyraq jinalyp, bógetter úshin 2000 qap daiyndalǵan.
