ماقتاارال اۋدانىنداعى ورىن العان تٶتەنشە جاعدايعا بايلانىستى تٷركٸستان وبلىسىنداعى بارلىق قاجەتتٸ تەحنيكالار اپات بولعان اۋدانعا جۇمىلدىرىلۋدا. وبلىستىق جولاۋشىلار كٶلٸگٸ جەنە اۆتوموبيل جولدارى باسقارماسىنىڭ ۇيىمداستىرۋىمەن 30 اۆتوبۋسپەن تۇرعىندار قاۋٸپسٸز ايماقتارعا تاسىمالدانۋدا, دەپ حابارلايدى "ۇلت اقپارات".
اتاپ ايتقاندا, تٶتەنشە جاعداي قالىپتاسقان ايماققا ماقتاارال اۋدانىنان – 5, جەتٸساي اۋدانىنان – 5, سارىاعاش اۋدانىنان – 7, كەلەس اۋدانىنان – 3, شاردارا اۋدانىنان – 10 اۆتوبۋس جەتكەن. قازٸرگٸ ۋاقىتتا, ماقتارال اۋدانىنىڭ ورتالىعى مىرزاكەنت ەلدٸ مەكەنٸندە 13 اۆتوبۋس دايىن تۇر. قاجەتتٸلٸك تۋىنداعان جاعدايدا قوسىمشا اۆتوبۋستار جۇمىلدىرىلاتىن بولادى.
سونىمەن قاتار, اۋدانعا جول سالاسى بويىنشا 65 ارنايى تەحنيكا جەتكٸزٸلگەن. مەسەلەن, 28 «حوۆا» جٷك كٶلٸگٸمەن ينەرتتٸ (قۇم, شاعالتاس) ماتەريالدار تاسىمالدانىپ جاتىر. بۇدان ٶزگە سۋ باسۋ قاۋپٸ بار ايماقتارعا 35 ادام جۇمىلدىرىلىپ, بٶگەتتەر جاساۋعا قولعابىس ەتكەن.
ٶز كەزەگٸندە «قازاۆتوجول» جشس-ٸ تٶتەنشە جاعدايعا 8 جٷك كٶلٸگٸن, 2 تراكتور, 1 اۆتوگرەيدەر, 1 جٷك ارتۋشى كٶلٸگٸ مەن 10 جۇمىسشىنى جٸبەرگەن.
مەكەمە تاراپىنان 550 تەكشە مەتر توپىراق جينالىپ, بٶگەتتەر ٷشٸن 2000 قاپ دايىندالعان.
