Maqtaaral aýdanynda jer reformasyn jergilikti turǵyndarǵa túsindirý, aýyl sharýashylyq jáne kásipkerlik úshin qoldanylyp jatqan jerlerdi tiimdi paidalaný maqsatynda arnaiy seminar-keńes ótti, dep habarlaidy "Ult aqparat" OQO ákiminiń baspasóz qyzmetine silteme jasap.
Jiynǵa Ońtústik Qazaqstan oblysy ákiminiń orynbasary Erbol Sadyr, Maqtaaral aýdanynyń ákimi Ǵ.Ismailov, oblystyq jer qatynastary basqarmasynyń basshysy Sozaqbai Ábdiqulov jáne aýyl ákimderi, bólim basshylary qatysty. Sharanyń negizgi maqsaty - jer máselesine qatysty salada atqarylyp jatqan jumystardy taldaý.
Oblystaǵy jer qatynastary salasyndaǵy jumystardy iske asyrýǵa jáne jer resýrtaryn tiimdi basqarýǵa baǵyttalǵan jer reformasyn túsindirý boiynsha oblystyq jer qatynastary basqarma basshysynyń orynbasary E.Tilegen baiandama jasady. Onyń aitýynsha, Maqtaaral aýdanynyń jer qory 185,4 myń gektardy quraidy. Al, aýyl sharýashylyǵy maqsatyndaǵy jerler 145,7 myń gektarǵa jetse, onyń ishinde egistik jer 140,1 myń, (barlyǵy sýarmaly jerler), tyńaiǵan jer 1,8 myń, jailymdyq jerler 3 myń, kóp jyldyq ekpeler 0,8 myń gektarǵa para-par.
«2016 jyly aýyl sharýashylyǵy maqsatyndaǵy jerlerge júrgizilgen túgendeý jumystarynyń nátijesinde jalpy aýdan boiynsha 392 agroqurylymdardyń ieligindegi 1807 gektar jer nysanaly maqsatyna sai paidalanylmai jatqandyǵy anyqtalyp, shara kórý úshin oblystyq jer inspektsiiasy basqarmasyna qujattar joldanǵan. Aýdan ákimdigi tarapynan búgingi kúnge paidalanylmai jatqan 103 gektar jer memleket menshigine qaitarylǵan. Al, 1065,6 gektar jeri oblystyq jer inspektsiiasynyń qaraýyna berilgen. Al, qalǵan 638,4 gektar jerdiń máselesi naqtylanbaǵan», - dedi E.Tilegen.
Budan bólek, basqarma basshysynyń orynbasary buǵan deiin aýdanda kásipkerlik maqsattaǵy 38 jer paidalanýshynyń 23,7 gektary paidalanylmai jatqanyn atap ótti. QR-nyń jer kodeksin buza otyryp paidalanyp jatqan 13 jer ýchaskesine 861 myń teńge aiyppul salynyp, jer zańnamasyn buzý týraly nusqaýlyq berilgen. Odan basqa 2016 jyly kásipkerlik maqsatqa berilip, paidalanbai jatqan 38 jer ýchaskesi anyqtalyp, olarǵa da shara kórilgen.
Jalpy, jiynda jer mamandary kóptegen suraqtarǵa jaýaptar alyp, jer máselesine qatysty jumystardy budan da joǵary deńgeide jandandyrý kerektigi aityldy. Ásirese, memlekettiń altyn qory sanalatyn sýarmaly jerdiń 30 paiyzy Maqtaaralda ekendigi jáne bos jatqan sýarmaly jerlerdiń máselesin tez arada sheshý kerektigine erekshe nazar aýdaryldy. Oblys ákiminiń orynbasary E.Sadyr halqy óte tyǵyz ornalasqan Maqtaral aýdanynda bir qarys jer bos jatpaý kerektigin eskertti.
