Foto: Halyq Uni
"Qazaqstanǵa atom elektr stantsiiasyn qai el salady jáne ol qaýipti emes pe" degen ULT.KZ tilshisiniń suraǵyna Májilis depýtaty Maqsat Tolyqbai jaýap berdi.
"Óńirlerdi aralap keldik. AES-ti Resei sala ma, Máskeýge kindikpen bailanyp qalmaimyz ba degen suraq kópshilikti mazalaidy. Men ashyǵyn aitaiyn, Resei atom elektr stantsiiasyn sala almaidy. Olarǵa ol múmkindikti eshkim bermeidi. Olar reaktorlaryn syrtqa shyǵara almaidy. Onsyz da olar qazir sanktsiianyń astynda.
MAGATE uiymynyń aityp otyrǵan talaby boiynsha, kez kelgen atom elektr stantsiiasyn bir memleket sala almaidy. Iaǵni tehnologiiasy ozyq bolyp sanalatyn, mysaly úshin Frantsiia, ne bolmasa Ońtústik Koreia salatyn bolsa, biz olarǵa da táýeldi bolyp qalmaimyz ba degen alańdaýshylyq bar ǵoi. Biraq oǵan ýaiymdaýdyń qajeti joq. Salǵan kúnniń ózinde de, birneshe memleket qosylyp salady", - dedi májilismen bizdiń tilshige.
Qazaqstanǵa AES salý boiynsha qoǵamda túrli pikirler bar. Olardyń arasynda "Qazaqstanǵa AES-ti Resei salýy múmkin jáne biz solai Reseige energetikalyq táýeldilikke ushyraýymyz múmkin " degender de bar.
Qazirgi ýaqytta Qazaqstanǵa AES salýy múmkin 4 el belgili. Olar Resei, Frantsiia, Ońtústik Koreia jáne Qytai.
Aita keteiik, ótken aptada depýtattar Qazaqstanda AES salý boiynsha referendým tóńireginde elimizdiń óńirlerin aralap, túsindirý jumystaryn júrgizgen.
Memlekette atom elektr stantsiiasyn salý boiynsha referendým biyl 6 qazanynda ótedi.
