Frantsiia prezidenti Emmanýel Makron jáne Germaniia kantsleri Angela Merkel Resei prezidenti Vladimir Pýtinmen koronavirýsqa qarsy vaktsina alý múmkindigi máselesin talqylady. Bul týraly 30 naýryzda Frantsiia prezidenti ákimshiligi habarlady.
Conymen birge videojiyn kezinde Makron men Merkel Vladimir Pýtinge saiasi opponenti Aleksei Navalnyidyń quqyqtaryn qurmettep, onyń densaýlyǵyn túzeýge barynsha jaǵdai jasaý qajettigin aitqan.
Elisei saraiy taratqan habarlamada úsh memleket basshysynyń Ýkraina, Belarýs, Liviia, Siriiadaǵy jaǵdaidy talqylap, Iranǵa halyqaralyq mindettemelerin oryndatý úshin birigip kúsh salýǵa keliskeni de jazylǵan.
Kreml úsh basshynyń “Eýroodaqta reseilik Spýtnik V vaktsinasyn tirkeý men odaq aýmaǵynda ony shyǵarý múmkindigin” talqylaǵanyn rastady. Kremldiń habarlaýynsha, Pýtin Navalnyidyń isi tóńiregindegi jaǵdaidy túsindirgen.
