فرانتسييا پرەزيدەنتٸ ەممانۋەل ماكرون جەنە گەرمانييا كانتسلەرٸ انگەلا مەركەل رەسەي پرەزيدەنتٸ ۆلاديمير پۋتينمەن كوروناۆيرۋسقا قارسى ۆاكتسينا الۋ مٷمكٸندٸگٸ مەسەلەسٸن تالقىلادى. بۇل تۋرالى 30 ناۋرىزدا فرانتسييا پرەزيدەنتٸ ەكٸمشٸلٸگٸ حابارلادى.
Cونىمەن بٸرگە ۆيدەوجيىن كەزٸندە ماكرون مەن مەركەل ۆلاديمير پۋتينگە ساياسي وپپونەنتٸ الەكسەي ناۆالنىيدىڭ قۇقىقتارىن قۇرمەتتەپ, ونىڭ دەنساۋلىعىن تٷزەۋگە بارىنشا جاعداي جاساۋ قاجەتتٸگٸن ايتقان.
ەليسەي سارايى تاراتقان حابارلامادا ٷش مەملەكەت باسشىسىنىڭ ۋكراينا, بەلارۋس, ليۆييا, سيريياداعى جاعدايدى تالقىلاپ, يرانعا حالىقارالىق مٸندەتتەمەلەرٸن ورىنداتۋ ٷشٸن بٸرٸگٸپ كٷش سالۋعا كەلٸسكەنٸ دە جازىلعان.
كرەمل ٷش باسشىنىڭ “ەۋرووداقتا رەسەيلٸك سپۋتنيك V ۆاكتسيناسىن تٸركەۋ مەن وداق اۋماعىندا ونى شىعارۋ مٷمكٸندٸگٸن” تالقىلاعانىن راستادى. كرەملدٸڭ حابارلاۋىنشا, پۋتين ناۆالنىيدىڭ ٸسٸ تٶڭٸرەگٸندەگٸ جاعدايدى تٷسٸندٸرگەن.
