"Ýkraina prezidenti Vladimir Zelenskii Eýropa elderine saparyn bastady. Ol 17 maýsymda Parijde Frantsiia Prezidenti Emmanýel Makronmen kelissóz júrgizdi. Memleket basshylary "Norman tórttigi" jetekshileriniń kezekti kezdesýine daiyndyqty bastaityndaryn málimdedi", - dep habarlady frantsýz basylymdary.
Makron men Zelenskii eki saǵatqa sozylǵan kelissózden soń baspasóz maslihatyn ótkizdi. Olardyń sózinshe, ekeýi talqylaǵan basty taqyryp Ýkrainanyń shyǵysyndaǵy soǵysty toqtatý jaily bolǵan.
"Resei halyqaralyq quqyq joq degen syńai tanytyp otyrǵan kezde Eýropa ózin qaýipsiz sezine almaidy" dep málimdedi Zelenskii. Onyń sózinshe, Donbastaǵy soǵysty toqtatýdyń jalǵyz joly – [Reseige] diplomatiialyq qysym men sanktsiialar bolmaq.
Makron Frantsiianyń Ýkraina prezidentin tolyq qoldaitynyn aitty. Ol Reseimen aradaǵy kelissózge dáneker bolýǵa daiyn ekenin jetkizdi.
Makron men Zelenskii "Norman tórttigi formaty" men Minsk kelisimine balama joq ekenimen kelisedi. Prezident Makron Parijde ótetin "Norman tórttigi" sammitine deiin taraptar dialog pen jańa bastamalarǵa daiyn ekenin tanytýy tiis dep málimdedi.
