"ۋكراينا پرەزيدەنتٸ ۆلاديمير زەلەنسكيي ەۋروپا ەلدەرٸنە ساپارىن باستادى. ول 17 ماۋسىمدا پاريجدە فرانتسييا پرەزيدەنتٸ ەممانۋەل ماكرونمەن كەلٸسسٶز جٷرگٸزدٸ. مەملەكەت باسشىلارى "نورمان تٶرتتٸگٸ" جەتەكشٸلەرٸنٸڭ كەزەكتٸ كەزدەسۋٸنە دايىندىقتى باستايتىندارىن مەلٸمدەدٸ", - دەپ حابارلادى فرانتسۋز باسىلىمدارى.
ماكرون مەن زەلەنسكيي ەكٸ ساعاتقا سوزىلعان كەلٸسسٶزدەن سوڭ باسپاسٶز ماسليحاتىن ٶتكٸزدٸ. ولاردىڭ سٶزٸنشە, ەكەۋٸ تالقىلاعان باستى تاقىرىپ ۋكراينانىڭ شىعىسىنداعى سوعىستى توقتاتۋ جايلى بولعان.
"رەسەي حالىقارالىق قۇقىق جوق دەگەن سىڭاي تانىتىپ وتىرعان كەزدە ەۋروپا ٶزٸن قاۋٸپسٸز سەزٸنە المايدى" دەپ مەلٸمدەدٸ زەلەنسكيي. ونىڭ سٶزٸنشە, دونباستاعى سوعىستى توقتاتۋدىڭ جالعىز جولى – [رەسەيگە] ديپلوماتييالىق قىسىم مەن سانكتسييالار بولماق.
ماكرون فرانتسييانىڭ ۋكراينا پرەزيدەنتٸن تولىق قولدايتىنىن ايتتى. ول رەسەيمەن اراداعى كەلٸسسٶزگە دەنەكەر بولۋعا دايىن ەكەنٸن جەتكٸزدٸ.
ماكرون مەن زەلەنسكيي "نورمان تٶرتتٸگٸ فورماتى" مەن مينسك كەلٸسٸمٸنە بالاما جوق ەكەنٸمەن كەلٸسەدٸ. پرەزيدەنت ماكرون پاريجدە ٶتەتٸن "نورمان تٶرتتٸگٸ" سامميتٸنە دەيٸن تاراپتار ديالوگ پەن جاڭا باستامالارعا دايىن ەكەنٸن تانىتۋى تيٸس دەپ مەلٸمدەدٸ.
