Foto: Facebook.com
Qazaq estradasynyń tanymal ánshisi Maqpal Júnisova ómirden ótken prodiýser Murat Erǵalievti eske alyp, oǵan arnap jazba jariialady. Ánshi Instagram paraqshasynda belgili prodiýser týraly júrekjardy estelikterimen bólisti. Ol Murat Erǵalievtiń daýysyn saǵynyp, onyń anasynyń qamqorlyǵy týraly erekshe yqylaspen jazdy.
Júnisovanyń aitýynsha, aqshasy bolmaǵan kezde prodiýserdiń anasy ony tegin tamaqtandyrǵan.
"Marqum Murat Erǵalievtiń daýysyn saǵynyp qalyppyn, marqum anasy radioda býfette qyzmet etken edi, 5-synyptan bastap Almatydaǵy radioǵa jii baratynmyn, "Týǵan jer", "Anajan", "Papajan", "Ónerge qanat qaqqandar" degen habarǵa da Nurahmet Jorabaev aǵa shaqyratyn, sonda qaltamda aqsha joq, qarnym ashyp ketkende býfetke baryp, Murat Erǵalievtiń anasyna án aityp beretinmin, anasy pirojkimen sháiǵa toidyryp jiberetin. Topyraqtary torqa bolsyn. Osy "Dýsha artista" dokýmentalnyi kinony marqum Murat Erǵaliev 1992-1995 aralyǵynda túsirgen edi", – dep jazdy ánshi.
Murat Erǵaliev - "Aziia daýysy", "Jas qanat" iri jobalarynyń bas prodiýseri. Ataqty "Jas qanat" mektebinen Medeý Arynbaev, Nurlan Abdýllin, Janar Duǵalova, Marjan Arapbaev siiaqty ánshiler, tipti búkil álemdi ózine qaratqan Dimash Qudaibergen de túlep ushqan bolatyn. Jaryq juldyzdardy óz qolymen daiyndaǵan Murat Erǵaliev televiziia salasyna 16 jasynda kelip, ómiriniń sońyna deiin osy salada qyzmet etti. Áigili prodiýser 2020 jyly koronavirýstan qaitys boldy.
