فوتو: Facebook.com
قازاق ەستراداسىنىڭ تانىمال ەنشٸسٸ ماقپال جٷنٸسوۆا ٶمٸردەن ٶتكەن پروديۋسەر مۇرات ەرعاليەۆتٸ ەسكە الىپ, وعان ارناپ جازبا جارييالادى. ەنشٸ Instagram پاراقشاسىندا بەلگٸلٸ پروديۋسەر تۋرالى جٷرەكجاردى ەستەلٸكتەرٸمەن بٶلٸستٸ. ول مۇرات ەرعاليەۆتٸڭ داۋىسىن ساعىنىپ, ونىڭ اناسىنىڭ قامقورلىعى تۋرالى ەرەكشە ىقىلاسپەن جازدى.
جٷنٸسوۆانىڭ ايتۋىنشا, اقشاسى بولماعان كەزدە پروديۋسەردٸڭ اناسى ونى تەگٸن تاماقتاندىرعان.
"مارقۇم مۇرات ەرعاليەۆتٸڭ داۋىسىن ساعىنىپ قالىپپىن, مارقۇم اناسى راديودا بۋفەتتە قىزمەت ەتكەن ەدٸ, 5-سىنىپتان باستاپ الماتىداعى راديوعا جيٸ باراتىنمىن, "تۋعان جەر", "اناجان", "پاپاجان", "ٶنەرگە قانات قاققاندار" دەگەن حابارعا دا نۇراحمەت جوراباەۆ اعا شاقىراتىن, سوندا قالتامدا اقشا جوق, قارنىم اشىپ كەتكەندە بۋفەتكە بارىپ, مۇرات ەرعاليەۆتٸڭ اناسىنا ەن ايتىپ بەرەتٸنمٸن, اناسى پيروجكيمەن شەيعا تويدىرىپ جٸبەرەتٸن. توپىراقتارى تورقا بولسىن. وسى "دۋشا ارتيستا" دوكۋمەنتالنىي كينونى مارقۇم مۇرات ەرعاليەۆ 1992-1995 ارالىعىندا تٷسٸرگەن ەدٸ", – دەپ جازدى ەنشٸ.
مۇرات ەرعاليەۆ - "ازييا داۋىسى", "جاس قانات" ٸرٸ جوبالارىنىڭ باس پروديۋسەرٸ. اتاقتى "جاس قانات" مەكتەبٸنەن مەدەۋ ارىنباەۆ, نۇرلان ابدۋللين, جانار دۇعالوۆا, مارجان اراپباەۆ سيياقتى ەنشٸلەر, تٸپتٸ بٷكٸل ەلەمدٸ ٶزٸنە قاراتقان ديماش قۇدايبەرگەن دە تٷلەپ ۇشقان بولاتىن. جارىق جۇلدىزداردى ٶز قولىمەن دايىنداعان مۇرات ەرعاليەۆ تەلەۆيزييا سالاسىنا 16 جاسىندا كەلٸپ, ٶمٸرٸنٸڭ سوڭىنا دەيٸن وسى سالادا قىزمەت ەتتٸ. ەيگٸلٸ پروديۋسەر 2020 جىلى كوروناۆيرۋستان قايتىس بولدى.
