QR halyq ártisi, ánshi Maqpal Júnisova qazaq estradasynda maǵynasyz ánder kóbeigenin aityp, keibir áriptesterin synǵa aldy. Bul týraly ánshi Instagram jelisindegi paraqshasynda málimdegen, dep habarlaidy "Ult aqparat".
«Qazaq estradasyn qalyptastyrý jolynda biraz eńbek etip kele jatqan ánshilermiz. Qazaq estradasy endi qalyptasyp, jastar bizdiń artymyzdan jaqsy bir áýenmen erip kele jatyr edi. Aiaq astynan osyndai Eýropanyń mýzykasy qaptady, Afrikanyń mýzykasy ma, Qudai-aý. Qara násildilerdiń ritmin alady. Oǵan qazaqsha sózderdi qosady, qalai-bolsa solai, mán-maǵynasy joq... Ne óleń endi anaý: «zyń-zyń», «dyń-dyń», «dym-dym» dei me... «Joq-joq» - ne án bul? Ol urpaqty nege tárbieleidi? Bizdiń uly aqyndarymyzdyń óleń-sózderi - Tumanbai aǵamyz, Muqaǵali Maqataev, Fariza Ońǵarsynova, Israil Saparbaev, Qadyr Myrza Áli... Sol kisilerdiń óleń joldary qaida qaldy? Qaida?», - dep Maqpal Júnisova qynjylysyn jetkizdi.
