QR Ekologiia, geologiia jáne tabiǵi resýrstar ministri Maǵzum Myrzaǵaliev sekseýildi saqtap qalý máselesi ózekti ekenin málim etti, dep habarlaidy "Ult aqparat".
«Sekseýildi saqtap qalý máselesine erekshe toqtalǵym keledi. Álem boiynsha sekseýildiń negizgi bóligi bizdiń jerde ósetindikten, ony urpaqqa amanat etý isiniń mańyzy zor», - dedi ministr OKQ-da ótken baspasóz máslihatynda.
Ministr 2023 jylǵa deiin sekseýildiń barlyq túrin shabýǵa tyiym salynǵanyn eske saldy. 2017 jyldan bastap respýblikanyń saýda núktelerinde sekseýildi satýǵa shekteý qoiylǵan.
«Bul iske basymdyq berýimiz kerek. Onyń negizgi eki sebebi bar: birinshisi – dalanyń shólge ainalyp ketpeýimen kúres. Ekinshisi, topyraqtyń tuzdanyp ketýiniń aldyn alý kerek. Sol sebepti sekseýildi saqtap qalý úshin jeke baǵdarlama daiarladyq. Osy rette meiramhanalar men dámhanalardyń ielerin sekseýildi jaqpaýǵa shaqyramyn. Sebebi ol – ulttyq qundylyǵymyz. Ókinishke qarai, ol qasietti aǵashty brendimiz dep bilmei, káýap pysyrýǵa paidalanatyndar bar. Bul máselege kelgende túpkilikti oi-paiymdarymyzdy ózgertýimiz kerek», - dedi ol.
