Ekologiia, geologiia jáne tabiǵi resýrstar ministri Maǵzum Myrzaǵaliev jańa ekologiialyq jaǵdaidy jaqsartýǵa baǵyttadǵan 17 jol kartasy qandai nátijege jetkizetinin aityp berdi, dep habarlaidy QazAqparat.
«Óńirlerde ekologiialyq problemalardy sheshý keshendi sharalardy jáne edáýir ýaqytty talap etetinin eskere otyryp, 17 jol kartasynda kórsetilgen is-sharalardyń tolyqqandy oryndalýy birqatar oń nátijege ákeledi. Atap aitqanda 10 qalada atmosferanyń lastaný indeksi joǵary deńgeiden ortasha deńgeige deiin tómendeidi. Qaldyqtardy qaita óńdeý deńgeiin 15%-dan 30%-ǵa deiin jetkizýge, 24 jańa poligondy salý jáne tolyp ketken bes 5 poligondy qalpyna keltirýge jáne joiýǵa jol ashady», - dedi ministr Úkimet otyrysynda.
Onyń aitýynsha, bul qujat aiasynda ejelden lastanǵan jerlerdi qalpyna keltirýge jáne joiýǵa, 7 jańa káriz tazartý keshenin salý jáne 12 káriz tazartý keshenin qaita jańǵyrtýǵa bolady.
Odan bólek eldi mekenderde 15 mln jáne orman alqaptarynda 2 mlrd aǵash egýge múmkindik týady.
Ministr osy jospardy oryndaý úshin Úkimet basshysynan ákimderge osy sharalardyń iske asyrylýyn tapsyrýdy surady.
