Ulttyq testileý ortalyǵy magistratýraǵa túsýshilerdi «daiyn jaýap» satatyn alaiaqtardan saq bolýǵa shaqyrdy, dep habarlaidy ult.kz.
Ulttyq testileý ortalyǵy (UTO) magistratýraǵa túsýge daiyndalyp jatqan talapkerlerge internette tarap jatqan jalǵan usynystarǵa senbeýge keńes berdi.
Sońǵy ýaqytta áleýmettik jeliler men messendjerlerde «keshendi testileýden ótkizip beremiz», «grantqa túsýge kómektesemiz», «testtiń daiyn jaýaptaryn satamyz» degen mazmundaǵy habarlamalar jiilegen. Alaida UTO mundai usynystardyń barlyǵy alaiaqtardyń áreketi ekenin málimdedi.
Ortalyqtyń túsindirýinshe, árbir talapker úshin keshendi testileýdiń jeke nusqasy avtomatty túrde qalyptastyrylady. Sondyqtan internette satylyp júrgen «test suraqtary» nemese «daiyn jaýaptardyń» naqty emtihan tapsyrmalarymen sáikes keletini týraly aqparat shyndyqqa janaspaidy.
Sondai-aq UTO test materialdaryn zańsyz taratý nemese jariialaý faktileri anyqtalǵan jaǵdaida ýákiletti memlekettik organdarmen birlesip zań aiasynda tiisti sharalar qabyldanatynyn eskertti.
Vedomstvonyń málimetinshe, test tapsyrmalary Ulttyq testileý ortalyǵynyń ziiatkerlik menshigi bolyp tabylady. Olardy zańsyz taratý nemese jariialaý Qazaqstan Respýblikasynyń zańnamasyna sáikes jaýapkershilikke ákelýi múmkin.
Eske salaiyq, Qazaqstanda magistratýraǵa túsýge arnalǵan keshendi testileý bastaldy.
