ۇلتتىق تەستٸلەۋ ورتالىعى ماگيستراتۋراعا تٷسۋشٸلەردٸ «دايىن جاۋاپ» ساتاتىن الاياقتاردان ساق بولۋعا شاقىردى, دەپ حابارلايدى ult.kz.
ۇلتتىق تەستٸلەۋ ورتالىعى (ۇتو) ماگيستراتۋراعا تٷسۋگە دايىندالىپ جاتقان تالاپكەرلەرگە ينتەرنەتتە تاراپ جاتقان جالعان ۇسىنىستارعا سەنبەۋگە كەڭەس بەردٸ.
سوڭعى ۋاقىتتا ەلەۋمەتتٸك جەلٸلەر مەن مەسسەندجەرلەردە «كەشەندٸ تەستٸلەۋدەن ٶتكٸزٸپ بەرەمٸز», «گرانتقا تٷسۋگە كٶمەكتەسەمٸز», «تەستتٸڭ دايىن جاۋاپتارىن ساتامىز» دەگەن مازمۇنداعى حابارلامالار جيٸلەگەن. الايدا ۇتو مۇنداي ۇسىنىستاردىڭ بارلىعى الاياقتاردىڭ ەرەكەتٸ ەكەنٸن مەلٸمدەدٸ.
ورتالىقتىڭ تٷسٸندٸرۋٸنشە, ەربٸر تالاپكەر ٷشٸن كەشەندٸ تەستٸلەۋدٸڭ جەكە نۇسقاسى اۆتوماتتى تٷردە قالىپتاستىرىلادى. سوندىقتان ينتەرنەتتە ساتىلىپ جٷرگەن «تەست سۇراقتارى» نەمەسە «دايىن جاۋاپتاردىڭ» ناقتى ەمتيحان تاپسىرمالارىمەن سەيكەس كەلەتٸنٸ تۋرالى اقپارات شىندىققا جاناسپايدى.
سونداي-اق ۇتو تەست ماتەريالدارىن زاڭسىز تاراتۋ نەمەسە جارييالاۋ فاكتٸلەرٸ انىقتالعان جاعدايدا ۋەكٸلەتتٸ مەملەكەتتٸك ورگاندارمەن بٸرلەسٸپ زاڭ اياسىندا تيٸستٸ شارالار قابىلداناتىنىن ەسكەرتتٸ.
ۆەدومستۆونىڭ مەلٸمەتٸنشە, تەست تاپسىرمالارى ۇلتتىق تەستٸلەۋ ورتالىعىنىڭ زيياتكەرلٸك مەنشٸگٸ بولىپ تابىلادى. ولاردى زاڭسىز تاراتۋ نەمەسە جارييالاۋ قازاقستان رەسپۋبليكاسىنىڭ زاڭناماسىنا سەيكەس جاۋاپكەرشٸلٸككە ەكەلۋٸ مٷمكٸن.
ەسكە سالايىق, قازاقستاندا ماگيستراتۋراعا تٷسۋگە ارنالعان كەشەندٸ تەستٸلەۋ باستالدى.
