Madrid meri Hose Lýis Martines-Almeida qarly boran saldarynan qalaǵa 1,4 mlrd eýro shyǵyn kelgenin málimdedi, dep habarlaidy Mundo gazeti.
«Biz sońǵy kúnderi ekonomika, infraqurylym jáne qala múlkine kelgen shyǵyndy eseptep, 1,398 mlrd eýroǵa jetkenin anyqtadyq», - dedi ol.
Martines-Almeida Ispaniia biligine qalany apat aimaǵy dep jariialap, koroldik úkimetti osy máselege orai jaýapty keshiktirmei berýge shaqyrdy.
8 qańtarda Ispaniia keiingi jarty ǵasyrda bolmaǵan qarly boran astynda qaldy. «Filomen» daýyly saldarynan aýa temperatýrasy kúrt tómendedi. Andalýsiia taýlarynda qar deńgeii 50 sm-ge jetken. Qolaisyz aýa raiy saldarynan Ispaniianyń kólik júiesi jumysyn toqtatty.
