Merkide qaza bolǵan 19 jastaǵy Madina Rashidqyzynyń ólimine qatysty jańa video jariialandy. Kadrlarda marqumnyń anasy men Madiiardyń qaiǵyly jaǵdaidan keiin alǵash ret kezdesken sáti túsirilgen, dep habarlaidy ult.kz.
Videony jýrnalist Jan Ahmadiev Instagram paraqshasynda jariialady.
«Madiiar men Madinanyń anasy ólimnen keiin alǵash ret kezdesti…» — dep jazdy jýrnalist.
Buǵan deiin Jan Ahmadiev Madinanyń ólimine qatysty saraptama qorytyndysy daiyn bolǵanyn habarlaǵan. Jýrnalist osyǵan bailanysty Tarazǵa arnaiy barǵanyn, zańgerler istiń materialdarymen tanysyp jatqanyn aitqan. Sonymen qatar túsirilim toby Madiiardan suhbat alýǵa áreket jasaǵan.
Madina Rashidqyzy 2026 jyldyń tamyzynda Jambyl oblysy Merki aýdanynda qaitys bolǵan. Osydan keiin marqumnyń qurbysy áleýmettik jelide Madinanyń kúieýimen arada janjal bolǵanyn jazǵan.
Qurbysynyń jariialaǵan hat almasýynda Madina kúieýiniń balasyna ákelgen «Barni» táttisin jegennen keiin janjal shyqqanyn jáne ózine qol kóterilgenin aitqan.
Marqumnyń jaqyndary onyń ólimine qatysty birqatar jaitqa kúmán keltirip, istiń jan-jaqty ári obektivti zerttelýin talap etip otyr.
