Búgin «Qazaq radiolary» JShS bas direktory Ernur Býrahan «Astana» radiosy ujymy aldynda jańa direktor Mádi Manatbekti tanystyrdy, dep habarlaidy qazradio.fm saity.
Mádi Manatbek - tanymal jýrnalist, mediamenedjer jáne respýblikalyq BAQ-tarda jetekshilik qyzmetter atqarǵan.
Mádi Manatbek 1978 jyly 25 mamyrda dúniege kelgen. 2006 jyly Kókshetaý ýniversitetinde zańger mamandyǵyn meńgergen. Eńbek jolyn 1998 jyly respýblikalyq «Nartáýekel» gazetinde tilshilik qyzmetten bastaǵan.
1999 jyly Shymkent qalalyq «Shymkent kelbeti» gazetinde jalǵasty. 2000 jyldan bastap «Otyrar» telearnasynda jańalyqtar júrgizýshisi, tańǵy «Nurly arai», sporttyq «Topjarǵan», qylmystyq «Ekstrennyi vyzov» baǵdarlamalarynyń avtory ári júrgizýshisi boldy.
2001-2006 jyldary «Astana» telearnasynda jańalyqtar júrgizýshisi, aptalyq aqparattyq-saraptamalyq «Úsh shirek», «Ashyq áńgime», sporttyq «Topjarǵan», qylmystyq «Oqiǵa izimen» baǵdarlamalarynyń avtory ári júrgizýshisi jáne baǵdarlamalar óndirisi qyzmetiniń jetekshisi boldy.
2006 jyly «31 arna» Astana qosynynyń tilshisi, 2007 jyly «MARMILAT» jarnama agenttiginiń direktory;
2008 jyly «Habar» Agenttigi» AQ jańalyqtar qyzmetiniń júrgizýshisi;
2010-2013 jyl aralyǵynda «Qazaqstan» RTRK» AQ aptalyq aqparattyq-saraptamalyq «Apta.kz» baǵdarlamasynyń júrgizýshisi; qoǵamdyq-saiasi baǵdarlamalar bóliminiń jetekshisi, «Qazaqstan» RTRK» AQ Basqarma tóraǵasynyń orynbasary qyzmetterin atqardy.
2013-2017 jyldary «BAQORDA media group» JShS Bas direktory; 2017 jyldyń aqpanynan 2018 jyldyń qazan aiyna deiin «Qazaq radiolary» JShS bas direktory boldy.
