QR Sybailas jemqorlyqqa qarsy is-qimyl agenttiginde QR Mádeniet jáne sport vitse-ministri Sáken Musaibekovtiń ustalýyna qatysty túsinik berdi, dep habarlaidy "Ult aqparat".
«Mádeniet jáne sport vitse-ministrine qatysty sotqa deiingi tergeý júrip jatyr. Ol býkmekerlik qyzmet salasy múddesine lobbii men jalpy qamqorlyǵy úshin zańdy tulǵa quryltaishysynan para alý kúdigine ilindi», - dedi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov brifing barysynda.
Onyń aitýynsha, sot sanktsiiasymen para alýshy men para bergen kúdikti qamaýǵa alyndy.
«Budan basqa aqparat tergeý múddesine bailanysty jariialaýǵa jatpaidy», - dedi Daniiar Bekaidarov.
Aita keteiik, jaqynda birqatar buqaralyq aqparat quraldarynda Sáken Musaibekovtiń ustalǵany týraly aqparat taraǵan bolatyn.
Eske salsaq, Sáken Júnisbekuly Musaibekov 2020 jyly mamyrda QR Mádeniet jáne sport vitse-ministri laýazymyna taǵaiyndaldy.
