foto: Prezidenttiń baspasóz qyzmeti
Qazaqstan prezidenti Qasym-Jomart Toqaev 2024 jyly mádeniet salasyndaǵy memlekettik stipendiiany berý týraly ókimge qol qoidy, dep habarlaidy Ult.kz Aqordanyń resmi saityna silteme jasap.
Osy jyly mádeniet salasyndaǵy memlekettik stipendiiaǵa 70-ten astam ádebiet jáne óner qairatkeri ie boldy. Olardyń qatarynda jazýshylar Didar Amantai, Álibek Asqar, Tólen Ábdikuly, Aqushtap Baqtygereeva, Smaǵul Elýbai, Júrsin Erman, Altynshash Jaǵanova, Baýyrjan Jaqyp, Myrzatai Joldasbekov, Dýlat Isabekov, Beksultan Nurjekeev, Qoishyǵara Salǵarauly, Oljas Súleimenov, Serik Turǵynbekuly jáne taǵy basqa tanymal tulǵalar bar.
Al óner qairatkerleriniń ishinde memlekettik stipendiiany Amandos Aqanaev, Asanáli Áshimov, Samal Esliamova, Iliia Jaqanov, Tuńǵyshbai Jamanqulov, Jandarbek Málibekuly, Nurǵali Núsipjan, Bibigúl Tólegenova men Aigúl Úlkenbaeva ielendi.
Memlekettik stipendiia iegerleriniń tolyq tizimin osy siltemeden kórýge bolady.
Aita keteiik, buryn bul stipendiia eks-prezident Nursultan Nazarbaevtyń esimimen ataldy. Al Konstitýtsiiaǵa engizilgen ózgeristerden keiin atyn alyp tastady. Biraq memlekettik mártebesi men taǵaiyndaý tártibi qaldy. Memlekettik stipendiianyń qazirgi kólemi 55 AEK-ti (2025 jyly 216 260 teńge) quraidy.
