Nur-Sultan qalasy mádeniet basqarmasynyń basshysy Sanat Shapashov qala teatrlaryna balalardyń tegin barýy úshin 63 mln teńgeden astam qarjy surady, dep habarlaidy QazAqparat.
«Balalar jylyn ótkizý jónindegi is-sharalar josparyna sáikes «Balalar men teatrlar» baǵdarlamasyn iske asyrý aiasynda Qýyrshaq teatry, Jas kórermenderdiń mýzykalyq teatry, Jastar teatry, M.Gorkii atyndaǵy memlekettik akademiialyq orys teatry jáne Nomad City Hall nysandaryna balalardyń tegin barýy úshin 63 mln 681 myń teńge qajet», - dedi Sanat Shapashov máslihat otyrysynda.
Onyń sózine qaraǵanda, jalpy qalada mádeniet salasyn damytýǵa 7 mlrd 879 mln 169 myń teńge kerek. Onyń ishinde jyl aiaǵyna deiin memlekettik shyǵarmashylyq tapsyrys aiasynda 40 myń vaýcherdi jan basyna shaǵyp qarjylandyrýǵa 5 mlrd 578 mln teńge jumsalady.
«Sondai-aq, Mádeniet jáne sport ministrligine de osy somada qosymsha ótinim jiberildi. Qaladaǵy vaýcherlerdiń jalpy sany – 40 586», - dedi Sanat Shapashov.
