نۇر-سۇلتان قالاسى مەدەنيەت باسقارماسىنىڭ باسشىسى سانات شاپاشوۆ قالا تەاترلارىنا بالالاردىڭ تەگٸن بارۋى ٷشٸن 63 ملن تەڭگەدەن استام قارجى سۇرادى, دەپ حابارلايدى قازاقپارات.
«بالالار جىلىن ٶتكٸزۋ جٶنٸندەگٸ ٸس-شارالار جوسپارىنا سەيكەس «بالالار مەن تەاترلار» باعدارلاماسىن ٸسكە اسىرۋ اياسىندا قۋىرشاق تەاترى, جاس كٶرەرمەندەردٸڭ مۋزىكالىق تەاترى, جاستار تەاترى, م.گوركيي اتىنداعى مەملەكەتتٸك اكادەمييالىق ورىس تەاترى جەنە Nomad City Hall نىساندارىنا بالالاردىڭ تەگٸن بارۋى ٷشٸن 63 ملن 681 مىڭ تەڭگە قاجەت», - دەدٸ سانات شاپاشوۆ مەسليحات وتىرىسىندا.
ونىڭ سٶزٸنە قاراعاندا, جالپى قالادا مەدەنيەت سالاسىن دامىتۋعا 7 ملرد 879 ملن 169 مىڭ تەڭگە كەرەك. ونىڭ ٸشٸندە جىل اياعىنا دەيٸن مەملەكەتتٸك شىعارماشىلىق تاپسىرىس اياسىندا 40 مىڭ ۆاۋچەردٸ جان باسىنا شاعىپ قارجىلاندىرۋعا 5 ملرد 578 ملن تەڭگە جۇمسالادى.
«سونداي-اق, مەدەنيەت جەنە سپورت مينيسترلٸگٸنە دە وسى سومادا قوسىمشا ٶتٸنٸم جٸبەرٸلدٸ. قالاداعى ۆاۋچەرلەردٸڭ جالپى سانى – 40 586», - دەدٸ سانات شاپاشوۆ.
