QR Úkimetiniń qaýlysymen Liazat Meirashqyzy Aqtaeva bergen ótinishine sáikes, QR densaýlyq saqtaý vitse-ministri qyzmetinen bosatyldy. Bul týraly Premer-Ministrdiń baspasóz qyzmeti habarlaidy.
Liazat Aqtaeva 1965 jyly Almaty oblysynda dúniege kelgen. Almaty memlekettik meditsina institýtyn (1988 j.) jáne QR Prezidenti janyndaǵy Memlekettik basqarý akademiiasyn (2003 j.) támamdaǵan.
Eńbek jolyn 1988 jyly Almaty qalasynyń №3 perzenthanasynda akýsher-ginekolog bolyp bastaǵan. Ár jyldary Qazaqstannyń densaýlyq saqtaý júiesinde basshylyq qyzmetterdi atqarǵan. 2017 jylǵy aqpan aiynda QR densaýlyq saqtaý vitse-ministri bolyp taǵaiyndalǵan.
