Foto: Astana ákimdiginiń resmi saity
Áleýmettik jelide elordada LRT qurylys alańyndaǵy jumysshylardyń temir blokty bos joldyń ústinen kabeldermen tasymaldap jatqanyn kórsetetin video tarady, dep habarlaidy «Ult aqparat» inbusiness.kz-ke silteme jasap.
Qalalyq kólik basqarmasy jaǵdaiǵa túsinikteme berip, qaýipsizdik erejelerin óreskel buzǵany úshin eki basshy qyzmetinen shettetilgenin málimdedi.
"Uly Dala dańǵyly men Qabanbai batyr dańǵylynyń qiylysynda basqalardyń qaýipsizdigine qaýip tóndiretin LRT qurylys alańynda merdigerdiń qaýipsizdik erejelerin óreskel buzýy tirkeldi. Metall arka qurylysyna CTS kompaniiasy ruqsat bermedi, osyǵan bailanysty ýaqytsha toqtatyldy", – dep túsindirdi kólik kompaniiasy.
CTS sonymen qatar qytailyq bas merdiger kompaniianyń joba jetekshisi men qaýipsizdik jónindegi basshysy qaýipsizdik erejelerin óreskel buzǵany úshin qyzmetinen shettetilgenin atap ótti.
Jobanyń bas injenerine tehnikalyq qadaǵalaýmen durys baqylaý júrgizbegeni úshin qatań sógis berildi.
"Bolashaqta bloktardy áýe kóligimen tasymaldaý jumystary keshki ýaqytta eki saǵatqa deiin qozǵalysty tolyq shekteýdi uiymdastyrý aiasynda júrgiziledi", – dep sendirdi kompaniia.
