فوتو: استانا ەكٸمدٸگٸنٸڭ رەسمي سايتى
ەلەۋمەتتٸك جەلٸدە ەلوردادا LRT قۇرىلىس الاڭىنداعى جۇمىسشىلاردىڭ تەمٸر بلوكتى بوس جولدىڭ ٷستٸنەن كابەلدەرمەن تاسىمالداپ جاتقانىن كٶرسەتەتٸن ۆيدەو تارادى, دەپ حابارلايدى «ۇلت اقپارات» inbusiness.kz-كە سٸلتەمە جاساپ.
قالالىق كٶلٸك باسقارماسى جاعدايعا تٷسٸنٸكتەمە بەرٸپ, قاۋٸپسٸزدٸك ەرەجەلەرٸن ٶرەسكەل بۇزعانى ٷشٸن ەكٸ باسشى قىزمەتٸنەن شەتتەتٸلگەنٸن مەلٸمدەدٸ.
"ۇلى دالا داڭعىلى مەن قابانباي باتىر داڭعىلىنىڭ قيىلىسىندا باسقالاردىڭ قاۋٸپسٸزدٸگٸنە قاۋٸپ تٶندٸرەتٸن LRT قۇرىلىس الاڭىندا مەردٸگەردٸڭ قاۋٸپسٸزدٸك ەرەجەلەرٸن ٶرەسكەل بۇزۋى تٸركەلدٸ. مەتالل اركا قۇرىلىسىنا CTS كومپانيياسى رۇقسات بەرمەدٸ, وسىعان بايلانىستى ۋاقىتشا توقتاتىلدى", – دەپ تٷسٸندٸردٸ كٶلٸك كومپانيياسى.
CTS سونىمەن قاتار قىتايلىق باس مەردٸگەر كومپانييانىڭ جوبا جەتەكشٸسٸ مەن قاۋٸپسٸزدٸك جٶنٸندەگٸ باسشىسى قاۋٸپسٸزدٸك ەرەجەلەرٸن ٶرەسكەل بۇزعانى ٷشٸن قىزمەتٸنەن شەتتەتٸلگەنٸن اتاپ ٶتتٸ.
جوبانىڭ باس ينجەنەرٸنە تەحنيكالىق قاداعالاۋمەن دۇرىس باقىلاۋ جٷرگٸزبەگەنٸ ٷشٸن قاتاڭ سٶگٸس بەرٸلدٸ.
"بولاشاقتا بلوكتاردى ەۋە كٶلٸگٸمەن تاسىمالداۋ جۇمىستارى كەشكٸ ۋاقىتتا ەكٸ ساعاتقا دەيٸن قوزعالىستى تولىق شەكتەۋدٸ ۇيىمداستىرۋ اياسىندا جٷرگٸزٸلەدٸ", – دەپ سەندٸردٸ كومپانييا.
