LRT qurylysyn salý barysynda qarajat urlaý faktisi boiynsha qylmystyq is boiynsha Nur-Sultan qalasy máslihatynyń hatshysy qamaýǵa alyndy. Bul týraly Sybailas jemqorlyqqa qarsy is-qimyl agentiginiń brifinginde aityldy, dep habarlaidy "Ult aqparat".
«Qazirgi ýaqytta ákimdiktiń burynǵy basshylary qamaýǵa alyndy. Olar R. Amanjolov jáne J Nurpeiisov pen úsh merdiger uiymnyń basshylary», - deidi Sybailas jemqorlyqqa qarsy is-qimyl agentiginiń ekinshi departamentiniń basshysy Sergei Perov.
Onyń aitýynsha, qylmysty Nur-Sultan qalasy ákiminiń burynǵy orynbasary Sultanbekov pen «Astana LRT» basshysy T.Ardan sheteldik jáne qazaqstandyq kompaniialardyń qatysýymen uiymdastyrǵan.
«Osy laýazymdaǵy tulǵalar ákimdik basqarmalarynyń burynǵy basshylary R.Amanjolov, J.Nurpeiisovtiń qatysýymen 24 mlrd teńgeden astam qarajat jumsalǵan. Bul qarjyǵa jobalyq-smetalyq qujattamany ázirleý, keńesshilik qyzmetterdi kórsetý jáne tehnikalyq baqylaý shyǵyndary kirgen», - deidi ol.
Sondai-aq, Sybailas jemqorlyqqa qarsy is qimyl qyzmeti J.Nurpeiisov Nur-Sultan qalasy máslihatynyń hatshysy ekenin aitty.
Elorda saityndaǵy málimet boiynsha, Janat Nurpeiisov 2016 jyldyń 20 naýryzynda altynshy shaqyrylymdaǵy Astana qalasy máslihatynyń depýtaty bolyp sailanǵan.
