Londonnyń ońtústiginde kóshede ketip bara jatqan adamdarǵa pyshaqpen shabýyldaǵan er adamdy politsiia qyzmetkerleri atyp tastady, dep habarlaidy bbc.com saity.
Saitta jariialanǵan málimetterge qaraǵanda, shabýyldaýshynyń qolynan eki adam zardep shekken, alaida qazir olardyń densaýlyq jaǵdaiy týraly málimet joq.
London politsiiasy bul oqiǵany terakt dep baǵalap otyr.
«Stretem aýdanynda er adamdy qarýly politsiia qyzmetkerleri atyp tastady. Biz osy ýaqytta birneshe adam pyshaqtan jaraqat aldy degen bailam jasap otyrmyz. Oqiǵanyń mán-jaiy anyqtalyp jatyr. Oqiǵa terroristik akt dep baǵalandy», - delingen politsiianyń Twitter-degi málimdemesinde.
Kýágerler áleýmettik jelide úsh ret oq atylǵanyn jazǵan. Zardap shekkenderge meditsinalyq kómek kórsetilip jatyr. Oqiǵa bolǵan mańaida turatyn Bi-bi-si tilshisi Stefan Paýell onda politsiia qyzmetkerleriniń júrgenin, jergilikti turǵyndarǵa úilerinen shyqpaý eskertilgenin aitqan. Sondai-aq dúkender men dámhanalarǵa kelgen adamdardy da shyǵarmai jatyr.
