Kaspi basshysy Mihail Lomtadze Qairat Satybaldynyń ustalǵany bank qyzmetine esh áser etpeitinin málimdedi, dep habarlaidy Sputnik Qazaqstan.
"Sońǵy birneshe kún boiy Kaspi týraly jalǵan aqparat tarap júr. Osyǵan bailanysty kóptegen suraq túse bastady. Sondyqtan birden bul áńgimege qatysty ózim pikir bildireiin dep otyrmyn. Birinshiden, Kaspi bankrotqa ushyraidy, Kaspi Gold-tan aqsha alýǵa múmkindik bolmaidy deidi. Bunyń barlyǵy - sandyraq", - deidi Lomtadze.
Onyń aitýynsha, Kaspi halyq arasynda keńinen tanymal. Osyny kóre almaityndar bar. Sondyqtan jalǵan aqparat taratý úshin aqsha tóleidi, arandatýshylyq áreketterge de barady.
Bank basshysy dollar tapshylyǵyn da túsindirdi. Onyń sózine qaraǵanda, Reseige qatysty sanktsiialar saldarynan qolma-qol dollar jetispeýshiligi bar. Buryn aqshany jyldam jetkizip otyratyn. Qazir Resei men Ýkrainadaǵy jaǵdaiǵa bailanysty tasymaldaý jumystary qiyndap ketken. Bank basshysynyń pikirinshe, bul – ýaqytsha qiyndyq.
"Qazirgi kezde ulttyq bank qolma-qol aqshany tikelei AQSh-tan jetkizý máselesin pysyqtap jatyr. Jaqyn arada osy máseleni sheshýge ýáde berdi", - dep atap kórsetti Kaspi basshysy.
Al Qairat Satybaldy tórt jyldan beri banktiń jumysyna aralaspaidy. Ol 2015-2018 jyldary aktsioner bolǵan.
