Búgin Livan Respýblikasyndaǵy segiz ailyq qyzmetten keiin úshinshi bitimgerlik rota elge oraldy, dep habarlaidy "Ult aqparat" QR Qorǵanys ministrliginiń baspasóz qyzmeitne silteme jasap.
Bitimgershilik missiiaǵa jiberilgen áskeri qyzmetshilerdi desanttyq-shabýyldaý áskerleriniń qolbasshylyǵy, áskeri bólim komandirleri men qazaqstandyq bitimgerlik polkiniń jeke quramy qarsy aldy.
Aldyńǵy toptar sekildi elimizdiń úshinshi bitimgershilik quramyna da segiz ai ýaqyt aralyǵynda Livandaǵy beibitshilik pen qaýipsizdikti qamtamasyz etý mindeti júkteldi. Olardyń missiiasyn oryndaý kezeńinde qabyldaýshy elde áskeri-saiasi, ekonomikalyq jaǵdaiy kúrdeli boldy, álemde «COVID-19» koronavirýstyq infektsiiasynyń tez taralýy baiqaldy, biraq bizdiń áskeri qyzmetshiler qoiylǵan tapsyrmany oryndady.
«QR Qarýly Kúshteriniń kontingentimen bitimgershilik missiiany oryndaý elimizdiń halyqaralyq qoǵamdastyqtaǵy bedelin nyǵaitý jolyndaǵy mańyzy zor. Sizder jaýyngerlik daiarlyqtyń joǵary deńgeiin kórsetip, óz mindetterińizdi adal atqardyńyzdar», - dep atap ótti desanttyq-shabýyldaý áskerleriniń qolbasshysynyń birinshi orynbasary - shtab bastyǵy polkovnik Baýyrjan Artyqov. Ol «bitimgershilik kúshterdiń jańa, tórtinshi kontingenti Qazaqstan Qarýly Kúshteri áskeri qyzmetshisi degen atyn asqaqtatatyna» senim bildirdi.
Úndi bitimgershilik batalony quramyndaǵy qazaqstandyq áskeriler ózderin jaýapty mamandar retinde kórsete bildi. Missiia basshylyǵy, sheteldik áriptester men baqylaýshylar olardyń kásibi qyzmetine joǵary baǵa berdi jáne álemdik qoǵamdastyqta laiyqty bedelderi bar ekenin rastady.
Aita keteiik, Qazaqstan Respýblikasynyń BUU bitimgershilik qyzmetine qatysýy elimizdiń halyqaralyq deńgeidegi syrtqy saiasat qyzmetiniń mańyzdy salasy bolyp tabylady.
