بٷگٸن ليۆان رەسپۋبليكاسىنداعى سەگٸز ايلىق قىزمەتتەن كەيٸن ٷشٸنشٸ بٸتٸمگەرلٸك روتا ەلگە ورالدى, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەٸتنە سٸلتەمە جاساپ.
بٸتٸمگەرشٸلٸك ميسسيياعا جٸبەرٸلگەن ەسكەري قىزمەتشٸلەردٸ دەسانتتىق-شابۋىلداۋ ەسكەرلەرٸنٸڭ قولباسشىلىعى, ەسكەري بٶلٸم كومانديرلەرٸ مەن قازاقستاندىق بٸتٸمگەرلٸك پولكٸنٸڭ جەكە قۇرامى قارسى الدى.
الدىڭعى توپتار سەكٸلدٸ ەلٸمٸزدٸڭ ٷشٸنشٸ بٸتٸمگەرشٸلٸك قۇرامىنا دا سەگٸز اي ۋاقىت ارالىعىندا ليۆانداعى بەيبٸتشٸلٸك پەن قاۋٸپسٸزدٸكتٸ قامتاماسىز ەتۋ مٸندەتٸ جٷكتەلدٸ. ولاردىڭ ميسسيياسىن ورىنداۋ كەزەڭٸندە قابىلداۋشى ەلدە ەسكەري-ساياسي, ەكونوميكالىق جاعدايى كٷردەلٸ بولدى, ەلەمدە «COVID-19» كوروناۆيرۋستىق ينفەكتسيياسىنىڭ تەز تارالۋى بايقالدى, بٸراق بٸزدٸڭ ەسكەري قىزمەتشٸلەر قويىلعان تاپسىرمانى ورىندادى.
«قر قارۋلى كٷشتەرٸنٸڭ كونتينگەنتٸمەن بٸتٸمگەرشٸلٸك ميسسييانى ورىنداۋ ەلٸمٸزدٸڭ حالىقارالىق قوعامداستىقتاعى بەدەلٸن نىعايتۋ جولىنداعى ماڭىزى زور. سٸزدەر جاۋىنگەرلٸك دايارلىقتىڭ جوعارى دەڭگەيٸن كٶرسەتٸپ, ٶز مٸندەتتەرٸڭٸزدٸ ادال اتقاردىڭىزدار», - دەپ اتاپ ٶتتٸ دەسانتتىق-شابۋىلداۋ ەسكەرلەرٸنٸڭ قولباسشىسىنىڭ بٸرٸنشٸ ورىنباسارى - شتاب باستىعى پولكوۆنيك باۋىرجان ارتىقوۆ. ول «بٸتٸمگەرشٸلٸك كٷشتەردٸڭ جاڭا, تٶرتٸنشٸ كونتينگەنتٸ قازاقستان قارۋلى كٷشتەرٸ ەسكەري قىزمەتشٸسٸ دەگەن اتىن اسقاقتاتاتىنا» سەنٸم بٸلدٸردٸ.
ٷندٸ بٸتٸمگەرشٸلٸك باتالونى قۇرامىنداعى قازاقستاندىق ەسكەريلەر ٶزدەرٸن جاۋاپتى ماماندار رەتٸندە كٶرسەتە بٸلدٸ. ميسسييا باسشىلىعى, شەتەلدٸك ەرٸپتەستەر مەن باقىلاۋشىلار ولاردىڭ كەسٸبي قىزمەتٸنە جوعارى باعا بەردٸ جەنە ەلەمدٸك قوعامداستىقتا لايىقتى بەدەلدەرٸ بار ەكەنٸن راستادى.
ايتا كەتەيٸك, قازاقستان رەسپۋبليكاسىنىڭ بۇۇ بٸتٸمگەرشٸلٸك قىزمەتٸنە قاتىسۋى ەلٸمٸزدٸڭ حالىقارالىق دەڭگەيدەگٸ سىرتقى ساياسات قىزمەتٸنٸڭ ماڭىزدى سالاسى بولىپ تابىلادى.
