Desanttyq-shabýyldaý áskerleriniń qolbasshysy Qanysh Ábýbákirov BUU missiiasyna qatysý úshin Livanǵa jiberilgen úshinshi birikken bitimgershilik rotasy áskeri qyzmetshileriniń otbasylarymen kezdesti. Bul týraly "Ult aqparat" QM baspasóz qyzmetine silteme jasap habarlaidy.
Kezdesý Qapshaǵai garnizony mádeni-demalys ortalyǵynda ótti. Qolbasshy áskeri qyzmetshilerdiń otbasylarymen jeke ýaqyttarynda bailanysqa shyǵý jáne sóilesýlerine qatysty barlyq suraqtarǵa jaýap berip, qajet bolǵan jaǵdaida olarǵa barlyq kómek kórsetiletinin atap aitty.
Kontingent komandiriniń orynbasary kapitan Aibol Saýqymuly óz baiandamasyn jetkizdi. Ol jeke quramnyń moraldi-psihologiialyq jaǵdaiyna, rotanyń barlyq qamtamasyz etý túrlerine qatysty máselelerdi talqyǵa salyp, sonymen qatar Livandaǵy geosaiasattyq jaǵdaimen tanystyrdy.
Kezdesý sońynda general-maior Qanysh Asanhanuly qazaqstandyq bitimgerlik polky birinshi birikken bitimgerlik rotasy óziniń bitimgershilik paryzyn erlik pen abyroimen aiaqtady. Qazirgi ýaqytta joǵary kásibi biliktilikterin kórsetken ekinshi rota da óz tapsyrmalaryn aiaqtaýda.
«Men úshinshi birikken bitimgerlik rotasy aldyna qoiylǵan mindetterdi oidaǵydai oryndaityndaryna senemin», - dedi bitimgerlerdiń týǵan-týystary men jaqyndaryna. Óz kezeginde general-maior Qanysh Ábýbákirov týystary tarapynan áskeri qyzmetshilerge moraldyq qoldaý kórsetý mańyzdy ekenin atap ótti.
Esterińizge sala ketsek, 2018 jyldyń 30 qazanynan bastap qazaqstandyq bitimgerlik polkynyń áskeri qyzmetshileri «Livandaǵy BUU-nyń ýaqytsha kúshteri» atty bitimgershilik missiiasyna qatysýda. Qazirgi kezde ekinshi rota missiiany atqarýda, ony jaqyn arada úshinshi birikken bitimgerlik rotasy almastyrady.
