Litvalyq dáriger aryqtaǵysy kelgen Ońtústik Qazaqstan oblysy turǵyndaryna ota jasady. Oblystyq klinikalyq aýrýhanada 2 naýqasqa laporoskopiialyq ádispen asqazan kólemi kishireitildi, dep habarlaidy QazAqparat tilshisi.
Litvalyq hirýrg Almatnas Maliatskas artyq salmaqtan aryla almai júrgenderdi osyndai jańalyǵymen qýantty. Kaýnas ýniversitetiniń professorynyń pikirinshe, asqazan jai ǵana bir torsyq emes, ol himiialyq tehnologiialar men injenerlik esepteýlerden asa muqiiat quralǵan óndiris týyndysy. Allanyń bergen erekshe nyǵmeti. Qorek alǵannan keiin mólsheri 500 ml-den 1500 ml-ge jetip, qaryndaǵy orny keńeiedi. Al kóp mólsherde tamaq jeý semizdik týdyrady. Osylaisha, bilikti maman 2001 jyldan beri asqazandy kishireitý arqyly naýqastardyń ómir súrý sapasyn jaqsartýmen ainalysýda.
«Ota jasatý úshin naýqastardyń jas shamasy shektelgen. 16-dan tómen jáne 65-ten joǵary bolmaýy shart. Eger naýqastyń jas shamasy 65-ten joǵary bolsa, otadan keiingi asqynýlar bolýy múmkin», - deidi professor, hirýrg.
Aita keteiik, bariatriialyq ota tek úshinshi dárejeli semizdikke shaldyqqandarǵa ǵana jasalady. Operatsiiadan keiin naýqas ai saiyn az mólsherde salmaq tastai bastaidy. Sebebi tamaqqa tábeti azaiyp, qomaǵailyq protsesi tómendeidi. Bir otyrǵanda tek eki as qasyq tamaq ishetin bolady. Semizdik saldarynan paida bolǵan býyn aýrýlary da joiylady. Dáriger qant kórsetkishi de tómendeitinin aitady.
«Asqazandy tuiyqtaý kezinde ol titandy qysqyshtarmen tigilip, eki jaqqa bólinedi. Kishkentai asqazanǵa jińishke ishek tigiledi. Solai adam operatsiiadan keiin óte az tamaq jeidi. Tamaq kishkentai asqazan jaqpen ótetindikten aǵzalyq zattar sińirilip úlgermeidi. Bul operatsiia 80% artyq salmaqtan arylýǵa múmkindik beredi», - deidi Almatnas Maliatskas.
Aita keteiik, Litvalyq hirýrg eýropada bariatriiany, iaǵni semizdikti emdeýdi tuńǵysh zerttegen ǵalym. 17 jylda 2500 azamatty artyq salmaqtan aryltqan. Ol shymkenttik mamandardyń sheberligin shyńdaý úshin arnaiy kelgen bolatyn. Óńir dárigerleriniń tájiribesi tolysyp, otany ózderi jasai alatyn dárejege jetken soń, aimaqta semizdikten qinalǵandar qatary edáýir azaiady dep kútilýde.
