Júzýden Qazaqstan komandasynyń músheleri Litvada ótken Olimpiadaǵa irikteý týrniriniń finaldyq synyn aiaqtady. El qorjyny altyn júldemen tolyqty, dep habarlaidy "Ult aqparat".
Ulttyq Olimpiada komitetinen málim etkendei, Ádilbek Mýsin 50 metrge batterfliai ádisimen júzýden jeńimpaz atandy. Ol atalǵan qashyqtyqty 23.75 sekýnda júzip ótken. Aita ketelik, atalǵan qashyqtyq Olimpiada baǵdarlamasyna enbeidi.
Budan buryn atalǵan týrnirde Anastasiia Rezvantseva qola medal ielengen bolatyn.
Eske salaiyq, Tokio Olimpiadasyna litsenziia alý úshin arnaiy normativti oryndaý qajet. Ázirge, Qazaqstan komandasynyń qorjynynda Dmitrii Balandin jeńip alǵan eki joldama bar.
