Foto: QR MAM
QR Ortalyq memlekettik kino-fotoqujattar men dybys jazbalary arhiviniń qyzmetkerleri Litva Respýblikasynda júrgizgen ǵylymi-zertteý jumystary barysynda elimizdiń tarihy men mádenietine qatysty derekter anyqtady, dep habarlaidy Ult.kz.
Anyqtalǵan qujattar qatarynda 1975 jyly Vilniýs qalasynda ótken Qazaq kinosynyń kúnderine bailanysty, Sh.Aimanov atyndaǵy «Qazaqfilm» kinostýdiiasy delegatsiiasynyń Litvaǵa sapary, Qazaq KSR-niń halyq ártisi Nurmuhan Jantórin men Qazaq KSR-niń Abai atyndaǵy Memlekettik syilyǵynyń laýreaty, rejisser Sultan Qojyqovtyń litvalyqtarmen kezdesýleri týraly derekti materialdar bar.
Foto: QR MAM
Sondai-aq burynǵy Kókshetaý oblysyndaǵy tyń igerý jumystaryna litvalyq mamandardyń qatysqany týraly da qundy málimetter tabyldy. Atap aitqanda, olardyń mektep janyndaǵy lagerlerde, meditsina pýnktterinde, qurylys salasynda eńbek etkeni jáne qazaq halqynyń salt-dástúrimen tanysqany jónindegi qundy derekter kezdesedi.
Foto: QR MAM
Zertteý jumystaryn QR Ortalyq memlekettik kino-fotoqujattar men dybys jazbalary arhivi direktorynyń orynbasary, tarih ǵylymdarynyń kandidaty Sáýle Sataeva júrgizip, Vilniýs, Kaýnas jáne Klaipeda qalalaryndaǵy Ortalyq memlekettik arhivterinde boldy.
Sapar barysynda aimaqtyq arhiv basshylarymen kezdesýler ótip, ekijaqty yntymaqtastyq máseleleri talqylandy. Nátijesinde XIX ǵasyrdyń sońy men XX ǵasyrdyń basyndaǵy qazaq jáne litvalyq áielderdiń beinesine arnalǵan fotokórme uiymdastyrý jóninde kelisim jasaldy.
