Densaýlyq saqtaý ministri Aleksei Tsoi dári-dármekti shekti baǵasynan qymbatqa satqany úshin jaýapkershilik baryn taǵy da eskertti, dep habarlaidy QazAqparat.
«Dári-dármekti shekti baǵasynan qymbatqa satqany úshin jaýapkershilik qarastyrylǵanyn eskertkim keledi. Naqtyraq aitqanda olarǵa aiyppul salynady. Al eger bul zań buzýshylyq qaitadan tirkelse, dárihananyń litsenziiasyn toqtatýǵa deiingi sharany qabyldaimyz. Sonymen birge dári-dármekti retseptsiz satqany úshin de jaýapkershilik baryn eskertemiz. Internet arqyly retseptsiz satý jaǵdailary tirkeldi. Mundai jaǵdailar zańmen qadaǵalanady», - dedi Aleksei Tsoi OKQ-da ótken baspasóz máslihatynda.
Eske sala ketsek, búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaralǵan bolatyn. Memlekettik komissiianyń sheshimimen 5 shildeden bastap 14 kúnge qatań shekteý sharalaryn engizetin boldy.
