Foto ©RIA Novosti
Kámeletke tolmaǵan qyzdyń anasy Lisakov qalasynyń Ishki saiasat bóliminiń basshysy qyzyn zorlady dep aiyptady. Áiel politsiiaǵa aryz bergen, - dep habarlaidy Tengrinews.kz agenttigi "Kostanaiskie novosti" saityna silteme jasap.
Quqyq qorǵaýshy Dina Tańsári áleýmettik jelilerde Prezidentke isti baqylaýǵa alý týraly ótinishpen júgindi. Politsiia qyzmetkerleri basqa da jábirlenýshiler bolǵan jaǵdaida quqyq qorǵaý organdaryna júginýin suraidy.
Basylym málimetinshe, er adam áleýmettik jelilerde qyzdarmen tanysyp, ózine ǵashyq qylǵan, al jaqyn qarym-qatynastan keiin jańa qurban izdegen bolýy múmkin. Ol paraqshasynda óziniń naqty jasyn jasyryp, otbasylyq jaǵdaiy týraly aitpaǵan. Er adam úilengen, balasy bar.
"Qylmystyq kodekstiń 120-baby, 3-1-bóligi, 1-tarmaǵy ("Kámeletke tolmaǵan balany zorlaý") boiynsha sotaldy tergeý bastaldy. Tergeý áreketteri júrgizilip jatyr. Osy ótinishten basqa politsiiaǵa aryzdar men habarlamalar túsken joq. Politseiler jábirlenýshiler bolǵan jaǵdaidy quqyq qorǵaý organdaryna habarlaýyn suraidy. Aqparat qupiia saqtalatynyna kepildik beriledi", - dep túsindirdi Politsiia departamenti ókili.
