Ońtústik Koreianyń turmystyq tehnika óndirýshi LG Reseidegi zaýytyn jaýyp, óndiristi Qazaqstan nemese Ózbekstanǵa kóshirýdi josparlap otyr, - dep habarlaidy Tengrinews.kz agenttigi "Kommersant" basylymyna silteme jasap.
Basylym málimetinshe, LG Máskeýdegi tońazytqysh, kir jýǵysh mashina men teledidar shyǵaratyn zaýytty jabýdy josparlap otyr. Qazir kompaniia qonys aýdaratyn jer retinde Qazaqstan men Ózbekstan nusqalaryn tańdap jatyr.
Ózbekstanda Samsung jabdyqtaryn shyǵaratyn Artel kompaniiasymen kelissózder júrgizildi. Óndiristiń Ózbekstanda ashylýy arzan jumys kúshiniń arqasynda tiimdirek, biraq Qazaqstanda tólem qabiletti tutynýshylar kóp deidi mamandar.
