...Sonymen, Pavlodarda Lenin kóshesiniń ataýyn «Astana» dep ózgertý máselesi boiynsha ótkizilgen qoǵamdyq tyńdaýda jańa ataýǵa 8 depýtattyń tek bireýi: Viktor Deimýnd qana qarsy shyqsa, qalalyq máslihattyń sessiiasynda 20 depýtattyń bári bir kisidei qoldap daýys berdi! Bul – jergilikti patshashyl-keńesshil toptyń shebi buzyldy degen sóz.
Endi aldymyzda – «Kýtýzov» pen «Sývorov»... Ekeýi reseilikter úshin qaharmandar sanalǵanymen, qazaqstandyqtar úshin eshkim emes. Bolshevikter 1919 jyly atyp tastaǵan patshazada Pavel Romanovtyń da Ertistiń Kereký-Baianaýyl óńirine esh qatysy joq edi. Sonda da esimderi áspettelýde. Al osy óńirdi syrtqy jaýlardan qorǵaǵan Oljabai, Jasybai, Malaisary batyrlardyń atynda kóshe joq...
Burnaǵy jyldary jergilikti táýelsiz orystildi basylymdardyń betterinde qorǵanys uiymdastyryp bet qaratpaǵan álgi top, árine, óńirde onomastika saiasatynyń júrgizilýine áli de shama-sharqynsha qarsylasyp baǵady, tipti shabýylǵa shyǵýy da múmkin.
«Gorodskaia nedelia» gazetinde (03.08.2005 j.) «Ne hochý byt kerekýitsem!» atty jariialanymda bireý bylai dep jazǵan: «Davaite dadim predsedateliam oblastnoi i gorodskoi onamasticheskih komissii zvaniia «Pochetnyi kerekýets» i na etom zakonchim polemiký.
Perelitsovshiki – mankýrttsy,
Vam, onamastiki, krichý,
Chto by byt «Pochetnym kerekýitsem»
Ia nikogda ne zahochý!».
Bul taqpaqtyń avtory – qatardaǵy azamattardyń biri emes, keńestik kezeńde eki ret Pavlodar oblysy partiia komitetiniń birinshi hatshysy qyzmetin atqarǵan belgili partsheneýnik Boris Vasilevich Isaev! Ókinishtisi, Qazaqstannyń iri oblysyn eki ret basqarǵan qart kommýnistiń memlekettik sana emes, etnikalyq sanaǵa boi urǵandyǵy. Sonsyn, «Pochetnyi pavlodarets», «Pochetnyi moskvich» degen qurmetti ataqtardyń bolmaityny siiaqty «Pochetnyi kerekýiets» degen ataqtyń da bolýy múmkin emestigin talapker aqynnyń baiyptai almaýy.
Shynynda, qazirdiń ózinde Pavlodar oblysynyń ákimi Bolat Baqaýovqa qarsy shabýyl bastalyp ketti. Áleýmettik jelilerde óńir basshysyn mysqyldap ájýalaityn karikatýralar taratylýda. Bir sýrette Bolat Jumabekuly: «Báke, qaidasyń?» degen saýalǵa «Astanada júrmin» dep jaýap jaýap beredi...
Bunyń astarynda «Lenin kóshesi ataýynyń «Astanaǵa» aýystyrylýy aimaq basshysy B.J. Baqaýovtyń qoldaýymen júzege asyryldy» degen megzeý jatyr. Birde-bir ákimniń tusynda qozǵalmaǵan Lenin ataýynyń dál Bolat Jumabekulynyń kezinde ózgertilýi, árine, kúdik keltirmei qoimaidy.
Ras, álgilerdiń paiymdaýyn joqqa shyǵara almaimyz. Tek aldaǵy ýaqytta aimaq basshysy: «Áláý, Báke, qaidasyń?» – degen saýalǵa «Á, ózimizdiń Kerekýde júrmin ǵoi»... – dep jaýap berse, nur ústine nur bolar edi!
Arman QANI,
Pavlodar qalasy
