Foto: Májilis
Májilis depýtaty Baqytjan Bazarbek jýrnalisterdiń eńbekaqyny ósirý týraly suraǵyna jaýap berý kezinde óziniń jalaqysy kúnkóriske jetpeitinin aitty, dep habarlaidy Ult.kz.
Onyń sózinshe balalardyń balabaqshasy men qosymsha úiirmeleriniń ózine ai saiyn 300 myń teńge ketedi. Sondyqtan májilismenniń jubaiy da jumys istep, aqsha tabýǵa májbúr.
"Bes-alty balasy bar qai adamǵa 500,600,700 myń teńge jetedi? Kei depýtattarda bes-alty baladan bar. Balalardy balabaqshaǵa, qosymsha úiirmelerge aparýdyń ózine 300 myń teńge ketedi. Azyq-túlik baǵasynyń ósip jatqanyn eskersek, tipti 1 million teńge jetpeidi. Mysaly men 900 myń teńgeden sál artyq alamyn, ol maǵan jetpeidi. Sondyqtan men áielimniń de jumys isteýin suradym. Ol da jumys isteidi", - dedi Baqytjan Bazarbek.
