فوتو: مەجٸلٸس
مەجٸلٸس دەپۋتاتى باقىتجان بازاربەك جۋرناليستەردٸڭ ەڭبەكاقىنى ٶسٸرۋ تۋرالى سۇراعىنا جاۋاپ بەرۋ كەزٸندە ٶزٸنٸڭ جالاقىسى كٷنكٶرٸسكە جەتپەيتٸنٸن ايتتى, دەپ حابارلايدى Ult.kz.
ونىڭ سٶزٸنشە بالالاردىڭ بالاباقشاسى مەن قوسىمشا ٷيٸرمەلەرٸنٸڭ ٶزٸنە اي سايىن 300 مىڭ تەڭگە كەتەدٸ. سوندىقتان مەجٸلٸسمەننٸڭ جۇبايى دا جۇمىس ٸستەپ, اقشا تابۋعا مەجبٷر.
"بەس-التى بالاسى بار قاي ادامعا 500,600,700 مىڭ تەڭگە جەتەدٸ? كەي دەپۋتاتتاردا بەس-التى بالادان بار. بالالاردى بالاباقشاعا, قوسىمشا ٷيٸرمەلەرگە اپارۋدىڭ ٶزٸنە 300 مىڭ تەڭگە كەتەدٸ. ازىق-تٷلٸك باعاسىنىڭ ٶسٸپ جاتقانىن ەسكەرسەك, تٸپتٸ 1 ميلليون تەڭگە جەتپەيدٸ. مىسالى مەن 900 مىڭ تەڭگەدەن سەل ارتىق الامىن, ول ماعان جەتپەيدٸ. سوندىقتان مەن ەيەلٸمنٸڭ دە جۇمىس ٸستەۋٸن سۇرادىم. ول دا جۇمىس ٸستەيدٸ", - دەدٸ باقىتجان بازاربەك.
