Qaraǵandy oblysynyń ákimi Jeńis Qasymbek apat jii tirkeletin Lenin atyndaǵy shahta jabylmaitynyn aitty, dep habarlaidy QazAqparat.
Óńirlik kommýnikatsiialar qyzmetinde ótken brifingide oblys ákimi atalǵan shahtada áli 10 jylǵa jetetin kómir qory bar ekenin aitty.
«Shahta konservatsiialanbaidy. Mundaǵy jumystar komissiia jumys istep turǵan kezde ǵana toqtap turady. Apat sebepteri anyqtalǵannan keiin jáne saldary joiylǵannan keiin shahta ári qarai jumys istei beredi», - dedi ol.
Sondai-aq, aimaq basshysy atalǵan shahtanyń «resýrsy aiaqtalýǵa jaqyn» degen málimetterdi joqqa shyǵardy.
«Shahtanyń resýrsy degen uǵym joq. Eger qazýǵa bolatyn kómir bolsa, kómir qory jumys isteýge múmkindik berip tursa, búkil kólem tolyq qazyp alynǵansha shahta jumys istei beredi. Mamandardyń deregi boiynsha, búginde bul shahtadan 10 mln tonnaǵa deiin kómir qazyp alýǵa bolady. Orta eseppen jyl saiyn 1 mln tonna kómir qazyp alady desek, 10 jyldyń jumysy bar degen sóz. Onyń ózinde qosymsha qatparlardy barlap, igermeitin bolsa, osyndai merzim boiy jumys isteidi», - dedi Jeńis Qasymbek.
