قاراعاندى وبلىسىنىڭ ەكٸمٸ جەڭٸس قاسىمبەك اپات جيٸ تٸركەلەتٸن لەنين اتىنداعى شاحتا جابىلمايتىنىن ايتتى, دەپ حابارلايدى قازاقپارات.
ٶڭٸرلٸك كوممۋنيكاتسييالار قىزمەتٸندە ٶتكەن بريفينگٸدە وبلىس ەكٸمٸ اتالعان شاحتادا ەلٸ 10 جىلعا جەتەتٸن كٶمٸر قورى بار ەكەنٸن ايتتى.
«شاحتا كونسەرۆاتسييالانبايدى. مۇنداعى جۇمىستار كوميسسييا جۇمىس ٸستەپ تۇرعان كەزدە عانا توقتاپ تۇرادى. اپات سەبەپتەرٸ انىقتالعاننان كەيٸن جەنە سالدارى جويىلعاننان كەيٸن شاحتا ەرٸ قاراي جۇمىس ٸستەي بەرەدٸ», - دەدٸ ول.
سونداي-اق, ايماق باسشىسى اتالعان شاحتانىڭ «رەسۋرسى اياقتالۋعا جاقىن» دەگەن مەلٸمەتتەردٸ جوققا شىعاردى.
«شاحتانىڭ رەسۋرسى دەگەن ۇعىم جوق. ەگەر قازۋعا بولاتىن كٶمٸر بولسا, كٶمٸر قورى جۇمىس ٸستەۋگە مٷمكٸندٸك بەرٸپ تۇرسا, بٷكٸل كٶلەم تولىق قازىپ الىنعانشا شاحتا جۇمىس ٸستەي بەرەدٸ. مامانداردىڭ دەرەگٸ بويىنشا, بٷگٸندە بۇل شاحتادان 10 ملن تونناعا دەيٸن كٶمٸر قازىپ الۋعا بولادى. ورتا ەسەپپەن جىل سايىن 1 ملن توننا كٶمٸر قازىپ الادى دەسەك, 10 جىلدىڭ جۇمىسى بار دەگەن سٶز. ونىڭ ٶزٸندە قوسىمشا قاتپارلاردى بارلاپ, يگەرمەيتٸن بولسا, وسىنداي مەرزٸم بويى جۇمىس ٸستەيدٸ», - دەدٸ جەڭٸس قاسىمبەك.
