Belgili jýrnalist Lázzat Tanysbai «QAZAQSTAN» RTRK» AQ Basqarma tóraǵasy bolyp taǵaiyndaldy. Bul týraly QR Aqparat jáne qoǵamdyq damý ministri Dáýren Abaev Feisbýktegi paraqshasynda habarlady.
«Qymbatty dostar! Búgin «QAZAQSTAN» RTRK» AQ ujymyna jańa basshy - Lázzat Tanysbaidy tanystyrdym. Lázzat Muratqyzy belgili jýrnalist, televiziia salasynyń bilikti mamany ári tabysty top-menedjer ekenin ózderińiz de jaqsy bilesizder. L. Tanysbai qazirgi ýaqytqa deiin qolǵa alynǵan irgeli sharalardy odan ári jalǵastyryp, korporatsiiany jańa deńgeige kóteredi dep senemin» delingen habarlamada.
Sondai-aq, Dáýren Abaev jazbada buǵan deiin «QAZAQSTAN» RTRK» AQ tóraǵasy qyzmetin abyroily atqarǵan Erlan Tynymbaiuly Qaringe alǵys aityp, jańa qyzmetinde tabys tiledi.
