Memleket basshysynyń kvazimemlekettik sektordyń basshylyq laýazymdaryndaǵy áielderdiń úlesin arttyrý týraly tapsyrmasy jaqsy áleýmettik lift bolady. Bul týraly QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraiymy Lazzat Ramazanova komissiianyń keńeitilgen keńesinde málim etti, dep habarlaidy QazAqparat.
L.Ramazanova Qazaqstan Respýblikasynda 2030 jylǵa deiingi otbasylyq jáne genderlik saiasat tujyrymdamasyna engizilgen memlekettik, kvazimemlekettik sektor men korporativtik kompaniialardaǵy áielderdiń úlesin arttyrý bóligindegi normany iske asyrýǵa Prezident bastaý bergenin atap ótti.
Tujyrymdamanyń birinshi kezeńi (2020 jylǵa deiin) aiaqtaldy. Qazir ulttyq jáne óńirlik komissiialardyń músheleri Memleket basshysy belgilegen jańa mindetterdi oryndaýǵa baǵyt alýy tiis.
«Memleket basshysynyń áielderdiń memlekettiń qatysýy bar kompaniialardaǵy ókildigine nazar aýdarǵany qýantady. Mundai kásiporyndar genderlik strategiiany iske asyrýǵa durys baǵdar bere alady. Osyǵan bailanysty ortalyq jáne jergilikti atqarýshy organdar kvazimemlekettik sektordy damytýǵa qatysty barlyq normativtik qujattardy kezeń - kezeńimen sáikestendirýi tiis», - dep atap ótti Lazzat Ramazanova.
Sonymen qatar, Lazzat Ramazanovanyń pikirinshe, áielderge jańa múmkindikter ashylýda.
«Prezidenttiń tapsyrmasy – áielder úshin qosymsha áleýmettik lift. Búginde áielder halyqtyń 52% quraidy. Olar alǵa qoiylǵan mindetterdi júzege asyrýǵa óz úlesterin qosatyndaryna senimdimin. Biznes-sektoryndaǵy áielderdiń áleýeti barynsha belsendi paidalanylatyndyqtan búkil eldiń ál-aýqaty ósedi», - dep túiindedi Ulttyq komissiia tóraiymy.
Esterińizge sala keteiik, Ulttyq qoǵamdyq senim keńesiniń tórtinshi otyrysynda Qazaqstan Prezidenti Qasym-Jomart Toqaev memlekettiń qatysýy bar kompaniialardyń basshy laýazymdaryndaǵy áielder úlesin 30% deiin arttyrý qajettigi týraly málimdedi. Mundai norma biznes salasyn áielder úshin neǵurlym tartymdy etedi, tiisti halyqaralyq reitingterdegi Qazaqstannyń pozitsiiasyn arttyrady.
