Tanymal telejúrgizýshi Láilá Sultanqyzy kúieýi Qairat Berkinbaev týraly jazba jariialady, - dep habarlaidy "Ult aqparat".
"Meniń Qairekem... Sońǵy úsh kún túsim siiaqty. Sengim de, moiyndaǵym da kelmeidi.
...Otasqanymyzǵa 16 jyldan asty. Erkeletti, ikemdedi, úiretti. Endi ǵana, mine, uldar ósti degende…
Ishtegi sezimimdi aitarǵa sózim, jazarǵa áripterim de jetpeidi. Qaldyrǵan izi, atqarǵan isi kóp, áli de qansha jospary bar edi… Olar týraly aitýǵa da qarsy bolatyn. "Alladan qaitady", - dep aýyz ashqyzbaityn. Sizderge de jii aitpaityn sebebim osy edi.
Qazir de iisi murnyma kelip, sózi qulaǵymda oinap, kóz jasym toqtamai, qorqynyshty tús kórip jatqandaimyn. Aǵamnyń ketkenine kóp bolmap edi, al endi báiteregim qulady…
P.S. Kóńil aityp, jazyp jatqan barshańyzǵa raqmet. Qazir otbasymyz úshin óte qiyn ýaqyt, balalar úshin eki ese qiyn. Eshteńege shamam da, múmkindigim de joq. Tánim men janymdy, miym men kúiimdi júielep alǵansha túsinistikpen qaraýlaryńyzdy shyn júrekten ótinip suraimyn", - dep jazdy ol Instagram paraqshasynda.
Eske salaiyq, 6 qarashada qoǵam qairatkeri, Qazaqstan Respýblikasy Prezidentiniń Is Basqarmasy Meditsinalyq ortalyǵynyń "Oqjetpes" emdeý-saýyqtyrý kesheni AQ prezidenti Qairat Berkinbaev ómirden ótken edi.
