تانىمال تەلەجٷرگٸزۋشٸ لەيلە سۇلتانقىزى كٷيەۋٸ قايرات بەركٸنباەۆ تۋرالى جازبا جارييالادى, - دەپ حابارلايدى "ۇلت اقپارات".
"مەنٸڭ قايرەكەم... سوڭعى ٷش كٷن تٷسٸم سيياقتى. سەنگٸم دە, مويىنداعىم دا كەلمەيدٸ.
...وتاسقانىمىزعا 16 جىلدان استى. ەركەلەتتٸ, يكەمدەدٸ, ٷيرەتتٸ. ەندٸ عانا, مٸنە, ۇلدار ٶستٸ دەگەندە…
ٸشتەگٸ سەزٸمٸمدٸ ايتارعا سٶزٸم, جازارعا ەرٸپتەرٸم دە جەتپەيدٸ. قالدىرعان ٸزٸ, اتقارعان ٸسٸ كٶپ, ەلٸ دە قانشا جوسپارى بار ەدٸ… ولار تۋرالى ايتۋعا دا قارسى بولاتىن. "اللادان قايتادى", - دەپ اۋىز اشقىزبايتىن. سٸزدەرگە دە جيٸ ايتپايتىن سەبەبٸم وسى ەدٸ.
قازٸر دە يٸسٸ مۇرنىما كەلٸپ, سٶزٸ قۇلاعىمدا ويناپ, كٶز جاسىم توقتاماي, قورقىنىشتى تٷس كٶرٸپ جاتقاندايمىن. اعامنىڭ كەتكەنٸنە كٶپ بولماپ ەدٸ, ال ەندٸ بەيتەرەگٸم قۇلادى…
P.S. كٶڭٸل ايتىپ, جازىپ جاتقان بارشاڭىزعا راقمەت. قازٸر وتباسىمىز ٷشٸن ٶتە قيىن ۋاقىت, بالالار ٷشٸن ەكٸ ەسە قيىن. ەشتەڭەگە شامام دا, مٷمكٸندٸگٸم دە جوق. تەنٸم مەن جانىمدى, ميىم مەن كٷيٸمدٸ جٷيەلەپ العانشا تٷسٸنٸستٸكپەن قاراۋلارىڭىزدى شىن جٷرەكتەن ٶتٸنٸپ سۇرايمىن", - دەپ جازدى ول Instagram پاراقشاسىندا.
ەسكە سالايىق, 6 قاراشادا قوعام قايراتكەرٸ, قازاقستان رەسپۋبليكاسى پرەزيدەنتٸنٸڭ ٸس باسقارماسى مەديتسينالىق ورتالىعىنىڭ "وقجەتپەس" ەمدەۋ-ساۋىقتىرۋ كەشەنٸ اق پرەزيدەنتٸ قايرات بەركٸنباەۆ ٶمٸردەن ٶتكەن ەدٸ.
