Resei syrtqy ister ministri Sergei Lavrov kisi qolynan qaza tapqan "reseilik jýrnalist Arkadii Babchenko óliminiń artynda Máskeý tur" delingen Ýkraina málimdemesin joqqa shyǵardy. TASS aqparat agenttiginiń habarlaýynsha, Lavrov Kiev ustanymyn antireseilik kompaniianyń bir bóligi dep ataǵan.
Babchenko mamyrdyń 29-ynda Kievte belgisiz adamdardyń oǵynan qaza tapqan edi. 41 jastaǵy jýrnalist qazasy Máskeý men Kiev qarym-qatynasyn ýshyqtyra tústi. Budan buryn eki el arasy Resei Qyrym túbegin anneksiialap, Máskeý Ýkraina shyǵysyndaǵy soǵysta separatisterdi qoldaǵanda shielenisken.
Babchenko qazasy týraly habardan bir-eki saǵat ótkende Ýkrainanyń premer-ministri Vladimir Groisman Facebook paraqshasynda: "Reseilik totalitarlyq mashina onyń adaldyǵy men printsipialdy ustanymyn keshire almaǵandyǵyna senimdimin," - dep jazyp qoiǵan.
Lavrov Úkraina úkimeti basshysynyń málimdemesin "halyqaralyq isterdegi ókinish týdyratyn sán" dep atady.
Kiev politsiiasy Babchenko qazasyn onyń kásibi qyzmetimen bailanystyrǵan.
Reseidiń tergeý komiteti Babchenko ólimine bailanysty tergeý amaldaryn bastaǵanyn málimdegen.
Azattyq
