رەسەي سىرتقى ٸستەر مينيسترٸ سەرگەي لاۆروۆ كٸسٸ قولىنان قازا تاپقان "رەسەيلٸك جۋرناليست اركاديي بابچەنكو ٶلٸمٸنٸڭ ارتىندا مەسكەۋ تۇر" دەلٸنگەن ۋكراينا مەلٸمدەمەسٸن جوققا شىعاردى. تاسس اقپارات اگەنتتٸگٸنٸڭ حابارلاۋىنشا, لاۆروۆ كيەۆ ۇستانىمىن انتيرەسەيلٸك كومپانييانىڭ بٸر بٶلٸگٸ دەپ اتاعان.
بابچەنكو مامىردىڭ 29-ىندا كيەۆتە بەلگٸسٸز ادامداردىڭ وعىنان قازا تاپقان ەدٸ. 41 جاستاعى جۋرناليست قازاسى مەسكەۋ مەن كيەۆ قارىم-قاتىناسىن ۋشىقتىرا تٷستٸ. بۇدان بۇرىن ەكٸ ەل اراسى رەسەي قىرىم تٷبەگٸن اننەكسييالاپ, مەسكەۋ ۋكراينا شىعىسىنداعى سوعىستا سەپاراتيستەردٸ قولداعاندا شيەلەنٸسكەن.
بابچەنكو قازاسى تۋرالى حاباردان بٸر-ەكٸ ساعات ٶتكەندە ۋكراينانىڭ پرەمەر-مينيسترٸ ۆلاديمير گرويسمان Facebook پاراقشاسىندا: "رەسەيلٸك توتاليتارلىق ماشينا ونىڭ ادالدىعى مەن پرينتسيپيالدى ۇستانىمىن كەشٸرە الماعاندىعىنا سەنٸمدٸمٸن," - دەپ جازىپ قويعان.
لاۆروۆ ٷكراينا ٷكٸمەتٸ باسشىسىنىڭ مەلٸمدەمەسٸن "حالىقارالىق ٸستەردەگٸ ٶكٸنٸش تۋدىراتىن سەن" دەپ اتادى.
كيەۆ پوليتسيياسى بابچەنكو قازاسىن ونىڭ كەسٸبي قىزمەتٸمەن بايلانىستىرعان.
رەسەيدٸڭ تەرگەۋ كوميتەتٸ بابچەنكو ٶلٸمٸنە بايلانىستى تەرگەۋ امالدارىن باستاعانىن مەلٸمدەگەن.
ازاتتىق
