Resei odaqtastaryn Aýǵanstannan keletin qaýip-qaterden qorǵaý úshin barlyq áreketterdi iske qosady. Osylai dep eldiń syrtqy ister ministri Sergei Lavrov tájik-aýǵan shekarasyndaǵy jaǵdai týraly pikirin bildirgen kezde aitty.
"Bizdiń odaqtastarymyzǵa tónetin qandai da bir agressivti qadamdar bolsa, barlyq áreketpen kómektesýge daiynbyz, onyń ishinde tájik-aýǵan shekarasyn qorǵaýda reseilik áskeri bazany qoldanamyz" dedi Lavrov.
Lavrovtyń sózinshe, bir kún buryn tájik-aýǵan shekarasyna barǵan Ujymdyq qaýipsizdik jónindegi kelisim uiymynyń (UQKU) hatshylyǵy ókilderi ondaǵy jaǵdaiǵa baǵa berip, málimet berdi.
6 shildede UQKU birlesken shtabynyń basshysy, general-polkovnik Anatolii Sidorov shaǵyn toppen tájik-aýǵan shekarasyndaǵy jaǵdaidy baǵalaý úshin Tájikstanǵa barǵan.
Osyǵan deiin "RIA Novosti" agenttigi tájik Ulttyq qaýipsizdik qyzmetindegi derekkózderine silteme jasap, tálipter Tájikstanmen shektesetin 1430 shaqyrym jerdiń 70% astamyn basyp alǵanyn jazǵan.
Tájik prezidenti shekarany qorǵaý úshin qosymsha 20 myń áskerdi jumyldyrýdy tapsyrǵan.
