رەسەي وداقتاستارىن اۋعانستاننان كەلەتٸن قاۋٸپ-قاتەردەن قورعاۋ ٷشٸن بارلىق ەرەكەتتەردٸ ٸسكە قوسادى. وسىلاي دەپ ەلدٸڭ سىرتقى ٸستەر مينيسترٸ سەرگەي لاۆروۆ تەجٸك-اۋعان شەكاراسىنداعى جاعداي تۋرالى پٸكٸرٸن بٸلدٸرگەن كەزدە ايتتى.
"بٸزدٸڭ وداقتاستارىمىزعا تٶنەتٸن قانداي دا بٸر اگرەسسيۆتٸ قادامدار بولسا, بارلىق ەرەكەتپەن كٶمەكتەسۋگە دايىنبىز, ونىڭ ٸشٸندە تەجٸك-اۋعان شەكاراسىن قورعاۋدا رەسەيلٸك ەسكەري بازانى قولدانامىز" دەدٸ لاۆروۆ.
لاۆروۆتىڭ سٶزٸنشە, بٸر كٷن بۇرىن تەجٸك-اۋعان شەكاراسىنا بارعان ۇجىمدىق قاۋٸپسٸزدٸك جٶنٸندەگٸ كەلٸسٸم ۇيىمىنىڭ (ۇقكۇ) حاتشىلىعى ٶكٸلدەرٸ ونداعى جاعدايعا باعا بەرٸپ, مەلٸمەت بەردٸ.
6 شٸلدەدە ۇقكۇ بٸرلەسكەن شتابىنىڭ باسشىسى, گەنەرال-پولكوۆنيك اناتوليي سيدوروۆ شاعىن توپپەن تەجٸك-اۋعان شەكاراسىنداعى جاعدايدى باعالاۋ ٷشٸن تەجٸكستانعا بارعان.
وسىعان دەيٸن "ريا نوۆوستي" اگەنتتٸگٸ تەجٸك ۇلتتىق قاۋٸپسٸزدٸك قىزمەتٸندەگٸ دەرەككٶزدەرٸنە سٸلتەمە جاساپ, تەلٸپتەر تەجٸكستانمەن شەكتەسەتٸن 1430 شاقىرىم جەردٸڭ 70% استامىن باسىپ العانىن جازعان.
تەجٸك پرەزيدەنتٸ شەكارانى قورعاۋ ٷشٸن قوسىمشا 20 مىڭ ەسكەردٸ جۇمىلدىرۋدى تاپسىرعان.
